Chapter 89

Nakatingin si Skye sa babaeng mahal na mahal niya, habang nagdadasal at nag-aalay ng bulaklak sa puntod ng mga magulang nito. Isinama siya nito para na rin humingi ng basbas.

“Tay, Nay, salamat sa gabay . . . Salamat at dinala ninyo dito sa isla ang taong makakasama ko at magbibigay sa akin ng labis na kaligayahan. Nagalit man ako sa mga alon dahil sa pagkawala ninyo, pero ibinalik nitong muli ang tiwala ko. Mahal ko kayo at lagi pa rin kayong nasa puso ko. Alam kong masaya na kayo kasama ang apo ninyo,” ani Isabella.

Napangiti siya at lumapit sa puntod.

“Hayaan po ninyo, gagawa kami nang marami para mas masaya rito sa isla kasama ni Tiya Alice.”

Nakita niya ang pag-irap ng dalaga sa kaniya.

“Hindi ikaw ang kinakausap ko, bakit sumasabat ka?” Naramdaman niya ang pinong kurot nito.

Hinuli niya ang mga kamay nito, bago ito kinabig at niyakap nang mahigpit.

“Totoo ang sinasabi ko, babe,” nakangiti pa ring wika niya.

Isang mabining hangin ang dumampi sa kanilang mga balat. Sabay silang