Chapter 2

Mabilis ang mga yapak ni Damon papasok ng hospital at diretso siya sa Information Desk. Si Damon Punongbakal ang guwapo owner at CEO ng Heaven Builders, isang construction firm na itinayo niya tatlong taon ang nakakaraan. Maraming bidding ang naipapanalo ng kumpanya kaya naman mabilis ang paglaki at pag-asenso nito.

“Heaven Punongbakal,” wika nito sa receptionist.

Tinignan ng receptionist sa monitor ang pangalan nabanggit.

“Third floor, room 209,” sambit nito.

Nagmadaling sumakay sa elevator si Damon papuntang third floor at hinanap ang room 209. Pagkakita sa numero ng silid ay wala itong pagdadalawang-isip na binuksan ang pinto.

“My Heaven,” wika nito at lumapit sa kama.

Bakas sa guwapo mukha ni Damon ang matinding pag-aalala sa anak na may sakit na Nocturnal Asthma at hinimas ang noo ng anak na natutulog.

“S-sir,” wika ni Nana Tinay na nasa 45 ang edad at galing ito sa banyo, siya ang nag-aalaga kay Heaven.

“Ano bang nangyari?” tanong ni Damon.

“K-kasi po sir, bigla na lang siyang nakipaglaro kay Brownie habang tumutulong ako sa pagluluto,” paliwanag na sagot ni Nana Tinay.

Si Brownie ay isang Maltipoo breed dog na kanilang alaga, ipinabili ito ni Heaven sa kaniya noong kaarawan niya. Ayaw man bilhin ni Damon ang aso dahil sa kalagayan ni Heaven ngunit napilitan ito. Madaling magtampo ang anak kung hindi makukuha ang nais at dahil sa madalang lang naman ito mag-request ay sinunod na ni Damon ang gusto.

Nais magalit ni Damon ngunit kailangan niyang kontrolin ang sarili dahil alam niyang wala may gusto sa nangyari at matagal ng naninilbihan sa kaniya si Nana Tinay hindi pa man ipinapanganak si Heaven.

“Kumusta ba ang lagay ng anak ko?” tanong ulit ni Damon.

“Sa ngayon po ay hinihintay na lamang ang resulta ng mga laboratory test sa kaniya,” sagot ni Nana Tinay.

Nagmulat ng mga mata si Heaven na halatang nagising ito sa paghaplos ni Damon sa kaniyang mukha.

“Daddy,” sambit nito.

“My Heaven, nagising ba kita?” tanong ni Damon sa anak.

Tumango lamang si Heaven at hinaplos din ang mukha ng ama.

“Daddy are you mad?” tanong nito.

“No, but be careful next time,” sagot ni Damon.

Tumango ulit si Heaven.

“You want to eat something?”

“Yes daddy, I want to eat fried chicken.”

Bumaling si Damon kay Nana Tinay.

“Paki tanonng sa Nurse Station ang mga dapat kainin ni Heaven,” utos nito.

Sumunod naman kaagad si Nana Tinay at lumabas ng silid.

“Let’s wait for Nana Tinay if you can eat fried chicken,” nakangiting wika nito sa anak.

Tumango naman si Heaven. Mabait na bata ito kahit walang kinagisnang ina dahil namatay si Helen Cruz matapos manganak, kaya naman binuhos ni Damon ang buo pansin kay Heaven at sa trabaho.

Hindi na naghanap pa ulit si Damon ng babae makakasama kahit karamihan ng mga nakapaligid sa kaniya ay pinagtutulakan siyang mag-asawa.

“Beshy, bakit ngayon ka lang?” salubong na tanong ni Sandra kay Farrah pagbukas nito sa pinto.

Nagulat naman si Farrah sa kaibigan dahil hindi niya inaasahan nandito ito sa kanilang bahay.

“Trapik beshy,” tipid na sagot nito.

“Bakit nga pala nandito ka?” tanong ni Farrah.

“Bored ako sa condo kaya minabuti ko dito na lang magpalipas ng gabi,” sagot ni Sandra at kinindatan ang kaibigan.

Napatango naman si Farrah dahil nakuha niya ang tunay na pakay ng kaibigan, gusto lamang nito makibalita sa kung anong ganap sa mga lakad niya.

“Nag-text ako sa ‘yo. Hindi mo nabasa?” tanong pa ni Sandra.

“Hindi ko pa na-check ang cellphone ko,” sagot ni Farrah at kinuha ang cellphone sa bag.

“Tinulungan ko na nga pa lang magluto si Tita Myrna, ang tagal mo kasi,” wika ni Sandra.

“Salamat,” tipid na sambit ni Farrah.

“Dumating kana pala, Farrah,” wika ng kaniyang ina galing sa kusina.

Lumapit si Farrah sa ina at nagmano.

“Kadarating lang po, sobra kasi trapik,” ani nito.

“Oh siya, tayo na at maghapunan habang mainit pa ang pagkain,” pagyaya ng ina at pumasok ulit sa kusina.

Sumunod naman ang magkaibigan at saktong nakahain na nga ang ina ni Farrah.

Matapos maghapunan ay diretso na ang magkaibigan sa kuwarto ni Farrah upang mapag-usapan ang susunod na gagawin sa kinakaharap nitong problema.

Nakahiga na sa kama si Sandra samantalang nakaupo sa silya malapit sa kama si Farrah.

“May balak ka ba sabihin kay Jeff ang problema?” tanong ni Sandra.

“Huwag muna ngayon,” sagot ni Farrah.

“So, anong susunod na gagawin?” tanong ulit ni Sandra.

“Ano nga ba?” balik na tanong ni Farrah sa kaibigan.

“Hanapin na lang kaya natin si Punongbakal?” suhestiyon ni Sandra.

“Paano?” tanong ni Farrah.

Natigilan naman si Sandra at nag-isip ng paraan na hanapin ang lalaki pinakasalan ng kaibigan.

Sa gulo ng utak ni Farrah ay hindi na rin ito makapag-isip ng maayos na plano kaya naman hinintay na lang si Sandra na makabuo ng idea nang bigla napaupo ito sa kama.

“Alam ko na!” wika nito na napalakas ang boses.

“Anong naisip mo beshy?” tanong ni Farrah.

“Friend mo sa social media si Mildred Evangelista ‘di ba?” balik na tanong ni Sandra.

Si Mildred Evangelista ang dating girlfriend ni Damon Punongbakal noong college, ka-batch din nila ito ngunit nasa ibang section kahit pareho ng kursong kinukuha. Gano’n pa man ay naging malapit ito sa kanila kahit kinaiinisan ni Farrah si Damon.

“Oo, ‘di ko lang matandaan alin social media,” sagot ni Farrah at binuksan ang kaniyang laptop.

“Sa natatandaan ko beshy Instafriend site ‘yon, hanapin mo sa account na ‘yon,” utos ni Sandra.

Ginawa nga ni Farrah ang sinabi ng kaibigan at nakita ang pangalang hinahanap. Matagal na rin nilang hindi nakikita si Mildred pero umaasa kilala pa rin sila nito.

“Nakita ko na,” sambit ni Farrah at pinakita ang profile ni Mildred sa kaibigan.

“Hindi naka-online beshy, pero try mo pa rin i-message at baka mag-reply,” suhestiyon ulit ni Sandra.

Muli ginawa ni Farrah ang sinabi ng kaibigan ngunit lumipas na ang isang oras ay walang reply si Mildred kaya naman minabuti nilang maghanap ng mapapanood na movie.

Isang horror movie ang napili ni Sandra dahil mahilig ito sa mga nakakatakot na palabas. Parang wala pa rin sa sarili si Farrah kahit napapasigaw pa minsan-minsan ang kaibigan dahil sa pinapanood.

Naiinip si Farrah sa kahihintay  ng reply ni Mildred, wala rin naman kasiguraduhan na sasagot ito. Malapit nang matapos ang palabas at bigla nag-beep ang laptop, senyales na may pumasok na mensahe.

Napabalikwas naman si Farrah at kaagad na tinignan kung sino ang nagpadala ng mensahe. Nabuhayan naman ito loob na makita nag-reply si Mildred at naka-online na ito.

Napansin ni Sandra ang mga kinilos ni Farrah at hinayaan lang ito, ipinagpatuloy pa rin ang panonood ng movie para hindi maistorbo ang kaibigan.

Nag-usap sina Farrah at Mildred sa chat. Inalam ni Farrah kung mayroon pa contact number si Mildred kay Damon ngunit nabigo ito na malamang matagal na silang hindi nag-uusap ng lalaki.

Nagtataka si Mildred kung bakit bigla naisipan ni Farrah na hanapin si Damon ngunit hindi na rin ito nagtanong pa. Gano’n pa man ay nasa friendlist pa rin ni Mildred si Damon at ibinigay ang profile link nito kay Farrah.

Nasiyahan naman si Farrah sa naging takbo ng usapan nila ni Mildred kaya naman nagpaalam ni rin ito sa kaniya dahil nalaman niyang busy ang babae sa trabaho sa ibang bansa.

Binalingan niya ang kaibigan si Sandra na kagat-kagat ang unan dahil sa pinapanood. Hindi pa pala ito nakuntento sa isang horror movie at nanood pa ng iba.

“Hoy Juna! Patayin mo na nga ‘yan,” wika ni Farrah na nakasimangot.

Si Juna ay isang entity sa pinapanood na horror movie ni Sandra at wala itong nagawa kun’di patayin ang TV.

“Basag trip ka beshy,” pagmamaktol nito.

“Nakita ko na ang profile ng lalaki hitad,” wika ni Farrah.

Tinignan naman ni Sandra sa monitor ng laptop si Damon.

“Halaka ka, ang pogi naman ng hitad na ‘yan,” sambit ni Sandra.

“Wow, ganda ng six packs. Yummy…” kinikilig pa nito dagdag.

“Manahimik ka nga d’yan,” bulyaw ni Farrah sa kaibigan.

Tumahimik naman si Sandra panandalian.

“Ano ba gagawin ko dito?” tanong ni Farrah habang ini-scroll pababa ang profile ni Damon.

“Message mo or add mo,” sagot ni Sandra.

Nataranta si Farrah sa sagot ng kaibigan at bigla na like ang picture post ni Damon na nakalitaw ang abs dahil naka-public naman ang profile nito.

“Ang tanga! Na-liked ang picture ng lalaki hitad,” wika ni Farrah.

Tawang-tawa naman si Sandra sa reaksiyon ng kaibigan.

“Hayaan mo na beshy, mukha naman naaaliw ka sa abs ng hubby mo,” pagbibiro nito.

Umasim naman ang mukha ni Farrah sa tinuran ng kaibigan.

“Hindi siya ang hubby ko kun’di si Jeff,” parang bata sambit nito na nakanguso.

Hindi na niya binawa ang nagawang pag-liked sa picture ni Damon, naisipan niyang tama lang na magpapansin ito para naman mapadali makuha ang pansin ng lalaki.

Sinimulan na niyang magpadala ng mensahe at niyaya niya itong makipagkita sa kaniya ngunit hindi sumasagot.

Hating-gabi na at nakatulog na si Sandra, samantalang si Farrah ay dilat na dilat pa ang mga mata. Hindi ito makatulog sa kaiisip sa sitwasyon kaya minabuti tignan muli ang profile ni Damon.

Napansin ni Farrah ang isang cute na bata babae na karga ni Damon sa kaniyang kanang balikat. Duda ni Farrah na anak ng lalaki ang cute na bata at hindi nga siya nagkamali dahil nabasa niya ang mga comments dito, may quote pa ang picture na My Heaven.

“May anak na pala ang lalaki hitad, ngunit nasaan kaya ang asawa nito?” bulong na tanong sa sarili.

Itinuloy pa rin niya ang paghahalungkat sa profile ni Damon, umaasa siyang nakapag-asawa na ito at ikinasal. Hinahanap niya ang sagot sa kaniyang tanong ngunit wala itong mahanap.

Naiisip tuloy ni Farrah na baka nakabuntis lamang ito dahil alam niyang mahilig sa mga babae. Parang baliw na siya sa kakaisip at nasabunutan ang sariling buhok ng biglang lumitaw sa screen monitor ang isang mensahe mula kay Damon.