Chapter Six

Fast forward.

Kinagabihan..

 Pagod akong bumaba ng kotse ni Travis, hindi ko akalain na aabutin na kami ng gabi. Sila mom at Mommy Kim kasi ang daming pinag-usapan. Tapos sinabayan pa ng pag-inom. Well, kami ni Trish nagwine lang habang ang parents namin at si Travis hard drinks. 

 Tumingin ako sa kabababa lang na si Trish galing sa kabilang kotse. Naglakad ito patungo sakin.

 "Bes! Congrats ulit. Mauuna na ako ah? Sobra talaga pagod ko 'e. Good night! Love you, mhuaaa!" Matapos makipagbeso beso, naglakad na siya papasok ng bahay. Ang parents ko nandoon na sa bahay. Magpapahinga na raw sila at bukas pupunta sila sa company.

Naglakad na rin ako papasok sa loob. Sinilip ko muna si Travis, kausap niya ang parents niya. 

 Kibit-balikat akong pumasok sa loob at dumiretso sa kusina, nauuhaw ako. 

 Actually kaya ako dumiretso dito sa kusina kasi 'di ko alam kung saan ako dideretso? Hindi ko alam saan ako matutulog. Unang gabi namin na mag-asawa ni Travis, ayoko namang basta na lang pumasok sa kwarto niya. Kaya eto, dito ako sa kusina dumiretso. Hintayin ko na lang siyang matapos kausapin ang parents niya then kung nasa kwarto na siya, edi kakatok ako. Basta ayaw ko mauna sa kwarto niya, baka ano isipin non 'e. 

 Kumuha ako ng baso at binuksan ang ref. Kumuha ako ng tubig at sinalinan ang baso ko sabay inom. Matapos akong makainom, hinugasan ko ang basong ginamit ko at nilagay sa lagayan. 

 Nagpupunas ako ng kamay. Nasa ganoong ayos ako nang may biglang magsalita. Napaigtad ako dahil sa gulat! My God! Mabilis akong lumingon kung nasaan si Travis. Nakapamulsa ito sa tapat ng pinto habang nakatingin sakin.

 "What are you doing here? Bakit hindi ka umakyat sa kwarto?" Seryosong tanong nito.

 "Uminom lang ako ng tubig, tsaka hinintay kita. Ayoko naman dumeretso sa kwarto mo." 

 "Tsk! Let's go, inaantok na ako." Napakaseryoso talaga, hays. Sumunod na lang ako sa kanya. 

 Nang makapasok kami sa kwarto niya, dumiretso si Travis sa closet niya at may kinuha doon. Humarap ito sakin at nagsalita. 

 "Mag-sha-shower lang ako. Kung gusto mo rin magshower, nandoon ang mga gamit mo sa kabilang closet. May nilagay na si mommy d'yan na gamit mo." Tumango na lang ako. Pumasok na siya sa CR, nagtungo naman ako sa closet na sinasabi niya. Binuksan ko ito at halos malula ako sa dami ng damit. 

 "Grabe! Kumpletong kumpleto na ang gamit ko dito, lahat pa bago! Si Mommy Kim talaga, kaya pala sabi niya 'wag ko na raw kunin mga damit ko sa bahay."  Nangingiti na napapailing na lang ako habang kumukuha ng damit. 

 Matapos kong maready ang isusuot na pantulog, naupo ako sa gilid ng kama habang pinagmamasdan ang buong kwarto ni Travis. 

 Ang linis ng kwarto niya, gray ang kulay ng kwarto, black ang kulay ng bedsheet at comforter, may malaking TV, may veranda, mga paintings, at small ref? Tumayo ako para tingnan ang ref. Whoa, lagi bang gutom si Travis kaya siya may ref dito? Yumuko ako at binuksan ang ref, OMG! Ang daming chocolates, beer, water and... chuckie!? Seriously? Nainom ng ganito si Travis? Pero omg! omg! This is my favorite! kukuha sana ako.

 "Hey!" nagulat ako nang sumigaw si Travis. Napalingon ako sa kanya na nagmamadaling nagtungo sakin, salubong na salubong ang kilay nito. Tinulak niya ako at malakas na sinarado ang ref.

 "Sinong may sabi sa’yong mangialam ka ng gamit ko!?" God! galit siya!

 "A-Ah s-sorry, sorry! Hindi ko sinasadya. Nacurious lang ako sa laman ng r-ref mo." Nakayuko kong saad, God! nakakatakot siya magalit. 

 "From now on, don't touch my things! Understand!?" 

 "Yes, I'm sorry!" Tumalikod na ako at nagmamadaling kinuha ang damit ko. Dumiretso ako sa CR. Pagsara ko ng pinto ay napasandal ako dito dahil sa sobrang kaba at takot. Gosh, ano bang kinakagalit niya? Tiningnan ko lang naman ang laman ng ref niya ah! Fine, from now on hindi ako mangingialam ng gamit niya! 

 Nagsimula na akong maglinis ng katawan. 

 Paglabas ko ng CR, nakita kong nakasandal sa headboard ng kama si Travis habang nakaharap sa laptop niya. Sabi niya inaantok na siya? Bakit gising pa rin siya? 

 Bumaba ang tingin ko sa gilid ng kama, may nakalatag na foam, unan at comforter. 

 Tumingin saglit sakin si Travis bago binalik ang tingin sa ginagawa.

 "Matulog ka na Aaliyah. You sleep on that bed." Sabay turo niya sa gilid ng kama niya. Nanlaki ang mata ko dahil sa sinabi niya, akala ko ba siya sa lapag at ako sa kama? Muli niya akong tinignan, "What?" Iritadong tanong nito. 

 "Akala ko ba sa kama ako at ikaw sa lapag? 'Di ba ayon ang sabi mo sakin?" Ang ganda ganda ng sabi niya sakin noong nag-usap kami tapos ganito?

 Tinigil niya ang ginagawa, tumingin ito sakin. 

 "Nagbago ang isip ko, bakit ako sa lapag matutulog? Kama ko 'to, Kwarto ko 'to kaya ako dapat ang matulog dito sa kama at ikaw, nakikitulog ka lang naman. Sige na, matulog ka na. Masyado kang istorbo may ginagawa ako." Muli na itong bumalik sa ginagawa, Binalewala na ang presensya ko. 

 Bumuntong hininga na lang ako at lumapit sa higaan ko. Wala namang problema sakin sa lapag matulog pero sana hindi na niya sinabi na ako ang matulog sa kama at siya sa lapag pag dito ako natulog sa kwarto niya. Akala ko pa naman may kaunting bait siyang natitira sa katawan, nagkamali pala ako. 

 Nagtalukbong na lang ako. Ganito ba ang magiging buhay ko? Hays, ngayon ang unang gabi na mag-asawa kami pero grabe na ang mga nangyari! Paano pa kaya ang sa mga susunod? Sa isang araw pa aalis sila Mommy Kim papunta sa Paris para sa isang business meeting. Means dito pa rin ako matutulog sa kwarto niya at ganito ang set up namin. Tapos mapapanggap pa akong sweet sa kanya pag nandyan sila Mommy Kim. Sana lang makayanan ko 'yun.

 Naaatim niyang matulog ang babae sa lapag, hindi man lang magpaka-gentleman! Nakakainis! Oo alam kong hindi niya gusto ang kasalan na 'to at napilitan lang siya pero sana igalang naman niya ako, pakisamahan ng maayos. Babae pa rin naman ako 'e, may nararamdaman.

 Hindi ko namalayan na may tumulong luha na sa pisngi ko. 

 Nasasaktan na naman ako...

 Ganito ba ang naging epekto sa kanya ng paghihiwalay nila ni Mayell? Parang wala na siyang puso. Sobrang cold. Walang pakialam sa nararamdaman ng iba... 

 Nakakasakit na siya ng damdamin...