Chapter Seven

 I woke up with the sun shining brightly on my face. I smiled and got up. Nag-unat ako, ahhhh! Ang sarap ng tulog ko ah? Kahit nasa ibang kwarto ako at kahit na naging pangit ang gabi ko.

 Oh, naalala ko nilipat ko nga pala dito sa paanan ng kama ang hinihigaan ko. Baka kasi daan daanan ako ng mahal na hari, baka maapakan pa ako. Lumingon agad ako sa kama para tingnan kung nandoon pa ang asawa ko. Nandoon pa ito at masarap na natutulog. Tiningnan ko ang oras at mag-aalasyete na ng umaga. Bakit hindi pa siya gumigising para mag-asikaso pumasok? Alas otso dapat nasa opisina na siya. 

 Gusto ko siya gisingin kaso baka magalit na naman siya, hays. Hayaan na nga, baka pagod at inaantok pa kaya hindi pa gumigising. Tumayo na ako at dumeretso sa CR para maghilamos. 

 Habang nagtotoothbrush ay may biglang pumasok sa isip ko. Alam ko ngayon pa lang nagluluto ng almusal ang mga katulong, tutulungan ko silang mag-prepare! Oo tama! Mabilis akong nag-asikaso at lumabas ng kwarto ni Travis. 

 Paglabas ko, sobrang tahimik. Mukhang tulog pa sila Tito Troy, pati si Trish. 

 Pagbaba ko, dumiretso agad ako sa kusina. Naabutan ko sila Manang Linda na nag-aasikaso na ng almusal. 

 "Good morning po!" Masaya kong bati sa kanila. Sabay-sabay silang napalingon sakin.

 "Good morning po ma'am,"

 "Good morning hija,"

 "Oh hija, ang aga mong magising.  Nagluluto pa lang kami ng almusal." Ngumiti ako kay Manang Linda habang lumalapit sa kanila. 

 "Okay lang po manang, Gusto ko po kayo tulungan mag prepare ng breakfast." 

"Nako ma'am, 'wag na po, kaya na po namin." Sabi ni Issa, ang pinaka batang katulong ng mga Dela Cerna. Apo siya ni Manang Linda. 

 "Okay lang Issa, sanay naman ako. Kahit sa bahay tumutulong ako magluto ng almusal o tanghalian. Sanay ako sa gawaing bahay, don't worry." 

 "Ang swerte po pala sa inyo ni Sir Travis kung ganoon, kasi maganda na po kayo, mabait at marunong sa gawaing bahay." Nakangiting sabi ni Issa. Nahiya naman ako dahil sa sinabi niya. Nako Issa, kung alam mo lang ang set up namin ng Sir Travis mo. 

 "Nako, hindi naman Issa,"

 "Mukhang gusto mong ipagluto ang asawa mo, oh siya halika dito hija." Mabilis akong sumunod kay Manang Linda. Tama, gusto kong ipagluto ng almusal si Travis. Bilang asawa niya aasikasuhin ko siya kahit na ganito ang set up namin. 

 "Ah manang?" 

 "Hmmm?"

 "Di 'ba po maaga nagigising si Travis? Lalo na po kapag may pasok sa opisina?" 

 "Oo, alasais pa lang gising na ang batang 'yon para magjogging saglit tapos pagbalik magkakape lang, aakyat sa taas para mag-asikaso tapos papasok na sa opisina. Ganoon lagi ang routine niya tuwing umaga, kahit nandito ang mga magulang niya. Kaso ngayon nagtataka nga ako, dapat ganitong oras nakaalis na siya ng bahay. Tulog pa ba siya?" Mahabang lintaya ni manang.

 "Opo manang, hindi ko na po ginising kasi baka magalit at nagtataka nga rin po ako bakit tulog pa rin siya." 

 "Hmm. Baka pagod?" Sabay tingin sakin ng makahulugan. May sumilay din na mapaglarong ngiti sa mga labi niya, "Baka napagod kagabi," Ay inulit pa talaga ni manang. Nako kung alam niyo lang manang ang nangyari kagabi. Pagod 'yon sa kakalaptop niya at pagsusungit sakin kagabi. Never namin magagawa ang nasa isip niyo manang.

 "Nako si manang, iba ang nasa isip. Baka po napuyat kagabi, bago po kasi ako natulog kagabi naka harap pa po siya sa laptop niya. Baka madaling araw na natapos." Nakangiti pa rin si manang bago umiling iling.

 "Oh siya, ito ikaw nang bahala sa omelette. 'Yan ang gustong almusal ng asawa mo, tsaka itong bacon at tinapay tapos black coffee. Kami nang bahala sa ibang almusal, diyan ka mag-focus sa pagkain ng asawa mo." Tumango tango ako. Omelette pala ang gustong almusal ni Travis? Ngayon ko lang nalaman ah? Sabagay, pag nagpupunta ako dito sa kanila tanghali na. Hindi ko na sila naabutan mag-almusal, kung maabutan ko man wala na si Travis. 

 Sinimulan ko nang gawin ang almusal ng asawa ko. Sana magustuhan niya 'to kahit ito man lang. 

 Matapos ko malagay sa plato ang omelette at bacon, kinuha ko naman ang isang mug para lagyan ng coffee. Mamaya ko na siya lagyan ng mainit na tubig para sure na mainit pa pag ininom niya.

 "Ayan! Sakto natapos na," Masaya kong sabi.

 "Tapos ka na hija? Halika na, ilagay na natin ang mga niluto natin sa lamesa. Maya maya bababa na sila Sir Troy," 

 "Okay po manang." Binuhat ko ang dalawang plato na pinaglagyan ko ng niluto ko. Dinamihan ko ang bacon at yung omelete, feel ko rin kumain 'e.

 Habang inaayos ang lamesa, sabay pumasok sila Mommy Kim at Trish. Kitang kita ang gulat sa kanilang lahat nang makita akong naghahain. Ngumiti ako ng matamis at binati sila.

 "Good morning mommy, daddy. Good morning Trish." 

 "Oh my gosh hija anak, ang aga mo nagising at.." Pinagsadahan ako ng tingin ni Mommy Kim sabay baling sa inaayos kong bacon, "Nagluto ka?" Tumango ako.

"Yes mommy, maaga po kasi akong nagising kaya tumulong po ako kila manang." Naupo na si Daddy Troy. Nakatingin ito sa omelete na niluto ko. Bumaling ito sakin at tipid na ngumiti,

"Alam mo ang paborito ng asawa mong almusal hija ah? Mukhang ikaw ang nagluto nito pero sandali, nandyan pa si Travis?" 

 "Ah opo daddy, nung lumabas po ako ng kwarto tulog pa po siya e."

 Tumango tango si daddy, "Hindi ata papasok sa opisina ang batang 'yon, dapat kanina pa siya nakaalis." 

 "Oh, that's why nagluto si Eunice dahil nandyan ang asawa niya." 

 Ngumiti na lang ako kila mommy at daddy habang tinatanggal ko ang apron na suot suot ko pa pala. Napansin kong nakatingin sakin si Trish, may nakakalokong ngiti ito. Umiling iling pa ito sabay kuha ng tinapay. 

 "Excuse me po mommy, daddy. Gawin ko lang po yung kape ni Travis, hindi ko pa po kasi nilagyan ng tubig baka po kasi lumamig agad."

 "Oww, okay hija, napaka sweet mo naman. Napakaswerte sayo ng anak namin. Sakto 'yan maya maya bababa na 'yon dito." Nakangiting saad ni Mommy Kim.

 "Kayo po, gusto niyo din po ba ng coffee?" 

 "Ay sige hija, gusto ko rin mag kape ngayon," Lumingon ako kay Daddy Troy na nakangiti lang samin. 

 "Kayo po mommy?"

 "Yes please." Nakangiti akong tumango at iniwan muna sila. 

  Buti nalang hindi ko pa nalalagyan ng tubig na mainit ang kape ni Travis. Kaya ngayon, sabay sabay ko ginawa ang kape nila Mommy Kim. 

 Kumuha ako ng tray at nilagay ang tatlong kapeng ginawa ko. Maingat ko 'tong binuhat at naglakad palabas ng kusina. 

 Paglabas ko, lahat sila nakatingin lang sa isang direksyon. Sinundan ko ang tinitingnan nila at namilog ang mga mata ko. Hala, gising na siya! At.. at kumakain na! 

 Madali akong naglakad, natataranta pa ako dahil kumakain na si Travis! 

 Lahat sila nabaling sakin. Tipid akong ngumiti. Nilapag ko ang kape sa gilid ni mommy at daddy at kinuha ang isa para ibigay kay Travis. 

 "Here, sabi sakin ni manang black coffee ang gusto mo. Eto ginawan kita." Kinakabahan ako habang nilalagay ang coffee sa gilid ng plato niya. Tumingin siya sakin at ngumiti. Napamaang ako dahil ngayon lang siya ngumiti sakin ng ganito. 

 "Thanks baby." Namula naman ako dahil sa sinabi niya, Geez! Anong meron? Baby? Kinikilig ba ako? Hala, anong nangyayari?  May sakit ba si Travis?

 "Maupo ka na at kumain." Malambing nitong sabi. Tumango ako at mauupo na sana sa tabi ni Trish nang hawakan nito ang kamay ko,

 "Where are you going?" Nakakunot noong saad nito.

 "Ah, mauupo sa tabi ni Trish?" Nag-aalinlangan kong sabi. Napatayo ako ng tuwid nang tumayo ito. Sinundan ko siya ng tingin. Inurong nito ang upuan sa harap ko,

 "From now on, dito ka na mauupo sa tabi ko okay? Maupo ka na." Okay? Bakit ang bait niya? At ang sweet? Nahihiyang naupo ako habang ang mga kasama namin ay pinagmamasdan lang kami. Gosh. Bumalik na ulit sa pagkakaupo si Travis at kumain. Napangiti ako nang dalawang omelette agad ang nasa plato niya, wow! Favorite niya talaga ang omelette? 

 "Hmm, ang sarap ng omelette na gawa ni manang ngayon. What did she put in it? This is more delicious than the first ones she made." Mas lalong lumawak ang ngiti ko dahil nagustuhan niya ang gawa kong omelette.