Chapter 24

Yayakap sana si Gian, ipapakitang asawa niya ito, ngunit maagap itong pumalag. Naaaninag niya ang pagkabahala at pag-aalinlangan sa mukha nito.

"Excuse me, Mister, hindi ako ang hinahanap mo. At puwede bang tigilan mo na kami. Wala pa akong asawa dahil wala akong wedding ring. Gets mo?"

"Nang umalis ka sa bahay, nagtatalo tayo at tinanggal mo ang suot mong ring natin. But I'd swear to God, you are my wife." Iyon ang napili niyang alibi pero ang totoo ay hindi niya isinuot ang wedding ring, maging ito rin. Pagkatapos ng kanilang kasal ay hinubad na nila ang singsing.

"Puwede bang sa loob na natin pag-usapan pa ang tungkol dito," anyaya ng ginang.

Nagpatiuna ang dalawa at siya ay sumunod na lamang. Pasimpleng pinagmasdan niya ang kabuohan ng bahay. Ang mga bangko ay yari sa tabla, mayroong ding sa kayawan.

"Paano mo nasabi na asawa mo siya?" katanungang nagpanganga sa kaniya. Hindi niya alam kung matatawa ba siya o maiinis sa tanong na iyon.

"Paano ko nasabing asawa ko siya