Chapter 27

Nang magmulat si Gian ay ang maamong mukha ng asawa ang nabungaran niya. Ubod-tamis itong ngumiti kaya't ginantihan din niya iyon ng ngiti at may kasunod pang halik sa noo. Kita niya ang pamumula ng mukha nito.

"Sorry, nakatulog rin pala ako. Nagugutom ka na ba?" Hagya pa siyang naghikab.

Marahang tango ang itinugon nito, kaya't agad siyang tumayo at niyakag ito sa ibaba. Habang naglalakad patungo sa dining area ay sinasabi niya kung ano ang kanilang nararaanan, maging ang maid's room. Ngayong bumalik na ang kaniyang asawa ay kailangan niyang maghanap ng kasambahay para rito. In case na nasa office siya ay may makakasama ito.

Pagkarating sa dining area ay mabilis niya itong ipinaghain ng pagkain, kahit ayaw niya'y ginagawa pa rin nito. Dati-rati ay siya ang pinagsisilbihan nito. Dati-rati ay hindi niya nakikita ang halaga nito, ngunit ngayon, para siyang ibinaon sa hukay ng kahapon. Ngayon niya napagtanto ang kamaliang nagawa. And he realized the word 'hindi mo makikita ang halaga n