Chapter 28

Isang buwan na ang lumipas nang muling makita ni Gian si Gwen. Tinupad niya ang sinabing aalaagaan at pagsisilbihan ng maayos ang asawa. Magkatabi na sila sa kama kung matulog, hindi tulad noong bago pa lang silang mag-asawa. Pero wala pang nangyayari sa kanila. Natatakot siya sa posibleng mangyari kapag ginalaw niya ang asawa. May oras na nag-iinit ang katawan niya lalo na kapag nakayakap ito sa kaniya

Kapag nasa opisina siya, halos oras-oras siyang tumatawag dito. Lahat ay ginawa niya mapasaya lang ito.

"Hi, dude!"

Palabas na siya ng office nang makasalubong si Adrix. Agad na nagsalubong ang kilay niya.

"What the hell are you doing here?"

"Grabe ang tanong, ah!"

"Bilisan mo na. Nagmamadali ako."

"Relax lang naman, Gian. Alam mo, simula nang makita mong muli ang 'yong asawa, hindi ka na namin nakaka-bonding--"

"Busy ako," awat agad niya rito.

"Busy or masyado mong ini-enjoy--"

Muli itong tumahimik nang itaas niya ang kamao. Matalim din niyang tinitigan ang kaibig