Chapter 26

Kitang-kita ni Gian ang paghanga sa mukha ni Gwen. Inilibot niya ito sa mansion, para siyang tourist guide, bawat maraanan ay ipinapaliwanag niya at isa na roon ay ang palagi nitong ginagawa sa tuwing umaga.

"Ang gaganda!" buong paghangang sambit nito.

"Ikaw ang nag-aalaga ng mga iyan araw-araw. Lagi mong kinakausap na akala mo'y nagkakaintindihan kayo."

"Talaga?" bulalas nito.

Tumango siya rito. Nang mawala si Gwen ay hindi rin naman niya pinabayaan ang mga halamang nasa magkabilang-gilid ng bahay, ang iba niyon ay nasa harapan ng mansiyon.

"These are Mommy's babies, but when we got married, you took care of them since Mom was busy."

Wala itong naging tugon. Nakatitig lang ito sa iba't ibang uri ng bulaklak, samo't sari rin ang orchids doon. Sa kabilang gilid ng mansiyon ay naroon ang pool. Lumapit ang asawa niya roon at binalak magtampisaw nito, ngunit pinigilan niya ito.

"You should take a rest first, okay. Malayo ang naging biyahe natin at alam kong pagod ka. Come, I'll take you