Chapter 25

Sinamahan niya ang asawa sa kusina, na kung saan ay naghahain ang matandang babae.

"Inay..." Lumapit doon si Gwen na sinundan niya. "Magpapaalam na po ako. Salamat po sa lahat-lahat."

Wala itong tugon ngunit naaaninag niya ang lungkot sa mata nito. Siya naman ang nagpasalamat dito.

"Aling Martha, salamat po sa pag-aalaga mo sa asawa ko, sa inyo ng 'yong anak na kahit iba ang naging pagpapakilala nito sa inyo, utang ko pa rin ang buhay niya sa anak niyo."

Nangilid ang luha nito't tumango sa kaniya. Ginagap nito ang palad ng kaniyang asawa. "Mag-iingat ka, anak, ha. At kayong dalawa..." Tumingin ito sa kaniya. "Kapag may hindi pagkakaunawaan, pag-usapan niyo muna. Huwag niyong paaabutin ng isang araw ang inyong tampuhan. Ang lahat ay nadadaan sa mabuting usapan," paliwanag nito. "Bago pa lang kayo 'no?" tanong nito sa kaniya.

"O-opo." Kahit ang totoo'y mahigit dalawang taon na silang kasal.

"Masasanay rin kayo sa buhay mag-asawa. Oh, siya sige. Tutal, asawa mo naman itong si