Chapter 22

Maagang gumising si Gian, hahanapin niya kahit saan ang asawa. Hindi na niya nakita ang kaibigang si Fred, si Adrix ay kagabi pa umalis. May pinapaasikaso siya rito sa office. Kasama niya ng kaibigan sa kompanya at isa ito sa pinagkakatiwalaan niya roon. Kasalukuyan siyang nagmamaneho, ayon sa napagtanungan niya'y Barangay Sta. Teresita ang pangalan ng lugar na iyon. Palinga-linga siya, naghahanap ang mata, sinusuri ang bawat paligid.

Inabot na siya ng hapon, nawawalan na ng pag-asang makita ang asawa. Nang walang anu-ano'y may biglang tumawid. Lumangitngit ang gulong ng kaniyang sasakyan nang mariin niyang tapakan ang preno.

"Shit!" mura niya kasabay ang paghampas sa manibela.

Kahit papaano ay nakaramdam siya ng takot para sa babaeng nasa unahan ng sasakyan. Nakatalikod ito sa gawi niya. Umibis siya ng sasakyan para kausapin ang babaing bigla na lamang tumawid.

"Miss, are you okay?"

Namumutlang mukha ang unti-unting bumubungad sa kaniya. Nang tuluyang magtapat ang kanilang mga muk