Chapter 92.1

-TANYA-

“Ayos ka lang?” ang tanong ni Ernesto sa akin habang pinagmamasdan ako na nanonood ng TV.

Ngumiti ako at tumango habang umiiyak. Napapanood ngayon ng live ang kaganapan sa kasal ni Rodie James Chavez at sa ina ng quintuplets niya na si March Yana.

“Bakit ka umiiyak?” tanong ng kaibigan ko. Tumayo ako at palihim na pinunasan ang luha sa mga mata ko.

“Wala naman. Sinong nagsabi na umiiyak ako?” ang sabi ko at lumabas ng bahay.

Umupo ako sa upuan na nasa veranda habang nakatingin sa kalangitan. Siguro ito ang kaparusahan sa lahat ng kasalanan na nagawa ko.

(Flashback)

“Ate, ulam,” tumambad sa harapan ko si Virgie, ang kapit bahay kong laging naghahatid sa akin ng ulam.

“Naku, nag-abala ka pa,” sabi ko. “Hali ka, pasok ka sa bahay ko,”

Ngumiti siya at pumasok. “Ate, anong nararamdaman mo?”

Ngumiti ako at tumingin sa tiyan ko kung saan siya nakatingin. “Maayos naman ang pakiramdam ko.”

“Hindi ba mahirap magbuntis, ate?”

“Mahirap pero ayos lang naman,”

“Nakakainggit ka n