Chapter 28

“Attorney, ano.. nandito po kayo?” hilaw ang ngiti ko at hindi na mapakali sa kinatatayuan.

Mabuti at hindi sila nagpang-abot ng mga anak ko.

“Akala ko nasa malayo ka nakatira e ang lapit mo lang pala sa bahay ni Rod,” nakangiting sabi ni attorney.

“Paano niyo po nalaman na dito ako nakatira?”

“Nong isang araw pa kita hinahanap. Pumunta ako sa bahay ni Karen, akala ko kasi naroon ka malapit sa kaniya nakatira buti may kapit-bahay niya na nagturo kung saan ka nakatira.”

Nanlaki ang mata ko. Lumingon ako sa bahay, at mabuti nalang dahil wala na ang mga bata pero magtataka si attorney oras na pumasok siya at makita niya na maraming gamit pang bata sa loob.

“M-May kailangan po kayo sa akin, attorney? Pwede niyo naman po ako tawagan.”

“Ay iyon na nga hija. Na misplace ko yata ang cellphone ko dahil hindi ko na makita saan iyon.”

Tumango ako.

“May gagawin ka ba? Pwede ba kitang makausap?”

Nag-aalangan ako, tumingin ako sa kaniya at nakita siyang sumisilip sa bahay ko.

“Pwede po ba