Chapter 35

“Where is he?” ang tanong ni attorney matapos ko siyang pagbuksan ng gate.

Alas sais pa lang, narito na siya.

“Nasa kwarto po niya,” sagot ko.

“Kamusta ang nangyari kahapon?” nagbaba ako nang tingin. Unang araw ko kahapon, pahirapan na.

“Hindi mo na kailangang sagutin,” aniya nang makuha ang sagot sa mukha ko. Hinawakan niya ako sa kamay. “Pagpasensyahan mo na si Rod, hija ah? Mainitin ang ulo niya matapos ng aksidente.”

“Naiintindihan ko po,” iintindihin ko.

“Tara, samahan mo ‘ko sa kaniya,” ang sabi niya. Tumango ako at sumama kay attorney sa kwarto ni Rod. Naabutan namin siyang walang damit pang itaas.

“Ma,”

Nagkatinginan kami, ako nalang ang unang nagbawi dahil naroon na naman ang nakamamatay niyang titig na para bang may nagawa akong kasalanan sa kaniya.

“Rod, nag resign na ang mga katulong at ang private nurse mo,” sabi ng mama niya. “For the 10th time, anak,”

“I don’t care,” malamig na sagot niya.

Napabuntong hininga si attorney.

“Hindi bale, narito naman si Marcha.