Chapter 23

Nakauwi na kami sa bahay niya. Hindi niya ako kinikibo.

Dumiretso siya sa banyo sa kabilang kwarto habang ako ay naliligo na sa bathroom niya.

Nang matapos, nagbihis ako at hinintay siya na makabalik sa kwarto ngunit hindi siya bumalik. Tatlong oras akong naghintay at alas dose na ng gabi pero wala pa rin siya.

Humiga nalang ako at sinubukang matulog.

Kinabukasan, maaga akong nagising para magluto ng breakfast namin.

Paglabas ko ng kwarto, napatingin ako sa kabilang room kung saan sa tingin ko ay naroon siya natutulog.

Naalala ko ang sinabi ni Junisa tungkol sa ate Savy niya. Tinanong ko ang sarili ko kung may nagbago ba sa pagtingin ko sa kaniya, pero wala.

Wala talaga kahit pagkamuhi, wala.

Hindi ko alam kung anong ginawa ni Rod sa ate ni Symon, kung ano man yun, gusto ko pa rin yata siya.

Pagpunta ko ng kusina, nilabas ko na sa ref lahat ng lulutuin. Iyon lang madaling lutuin. Gusto kong bumawi kay Rod.

Madali lang naman magsaing, magprito ng itlog at hotdog kaya sinunod k