Chapter 22

Pagdating namin ng Seven Seas, bumungad sa amin ang ilang mga tao na nag overnight din dito. Si Rod na ang nag-asikaso sa cottage namin.

May pagkain rin kami mula sa drive thru, tama lang total uuwi rin naman kami mamaya dahil may work pa.

“Rod, pasama ako,” sabi ko dahil balak kong magpalit ng swimwear kaya lang may mga lalaking lasing sa unahan na sa tingin ko ay ka edad ko lang.

“Huwag ka na kaya mag swimsuit?”

Natatawa akong lumapit sa kaniya. “Anong huwag na?”

“Nagsisisi ako kung bakit pa ako bumili no’n e,” nakasimangot na aniya.

“Halika na! Samahan mo na ako magpalit,” sabi ko.

Napipilitan siyang tumayo para samahan ako magpalit ng swimwear.

Maraming mata ang nakasunod sa amin. Iyong ilan sa kanila ay kababaihan na nakatitig kay Rod. Sumimangot ako.

Ba’t ba kasi ang gwapo ng isang ito?

Humawak ako sa kamay niya kaya napatingin siya sa akin. Pumunta ang tingin niya sa kamay kung saan ay hawak ko at ngumiti siya… kinikilig.

Tinaasan ko siya ng kilay.

“That’s your bigge