Chapter 109.5

AGAD NAMAN NA NATIGILAN si Serene. Ibig sabihin ay akala nito na nilalandi niya ang lalaking iyon. Pinaparatangan na naman siya nito na wala naman itong kaalam-alam. Sumosobra na ito sa mga sinasabi nito sa kaniya. Hindi na niya maatim pa ang mga sinasabi nito sa kaniya kaya itinaas niya ang kanyang kamay at akmang sasampalin niya sana ito ngunit mabilis siyang napigilan nito at pagkatapos ay hinigpitan nito ang hawak sa kanyang pulso.

“Hindi mo pa nga napagbabayaran ang ginawa mo kay lola pagkatapos ay naglakas loob ka pa na gawin iyon sa kaibigan ko!” galit na galit na sigaw nito sa kaniya at halos nag-uumigting ang mga panga sa galit.

Agad na nahulog mula sa sulok ng mga mata ni Serene ang mga luhang kanina pa niya pinipigilan at pagkatapos ay nanginginig ang kanyang mga labing sinalubong ang mga mata nito. “Hindi ko sinaktan si lola!” pagtatanggol niya sa sarili niya at halos manginig na rin ang kanyang buong katawan.

Nang makita naman ni Pierce na biglang nanginig ang katawan nit