Chapter 110.4

AGAD NA NAPALUNOK SI SERENE habang nakatitig sa mga mata nito. “Hindi ba at ikaw na mismo ang nagsabi na tapos na kung ano man ang namamagitan sa ating dalawa?” tanong niya rito.

Napahugot naman ng malalim na hininga si Pierce at biglang nagsisi kung bakit niya nasabi ang mga salitang iyon. “Alam ko na nagkamali ako kagabi, nagkamali ako ng akala at hindi ko pinakinggan ang mga paliwanag mo at higit sa lahat ay hindi ako naniwala pero handa kong gawin ang lahat para mapatawad mo lang ako kahit ano pa iyon. Pera? Ari-arian? Sabihin mo sa a—”

Bago pa man nito matapos ang sinasabi nito ay lumanding na sa pisngi nito ng isang malutong na sampal galing kay Serene at masasabi niya na malakas iyon dahil halos namanhid ang kanyang palad. Agad ding nanginig ang kanyang katawan habang nakatitig rito dahil sa pinipigil niyang emosyon. “Pierce, alam ko kung gaano kababa ang tingin mo sa akin pero kasalanan ko rin naman kung bakit ganyan ang tingin mo sa akin. Dahil sa desisyon ko ay talagang inil