Chapter 109.4

AGAD NAMAN NA NATIGILAN SI CONNOR nang marinig niya ang sinabi ni Pierce. Ano bang pinagsasabi nito at bakit ba parang galit na galit ito? Pinunasan niya ang kanyang bibig at pagkatapos ay nagtaas siya ng ulo upang tanungin na sana ito kung bakit ba ganun ang inaakto nito ngunit nanlaki ang kanyang mga mata nang makita niya kung paano hinawakan ni Pierce ang ulo nito at hinalikan ito ng mariin sa harapan niya.

Maging si Serene ay gulat na gulat sa ginawa ni Pierce at nanlalaki ang kanyang mga mata nang lumapat ang labi nito sa labi niya. Wala na siyang nagawa pa dahil kahit na anong tulak niya rito ay hindi siya nito binitawan. Ang halik nito ay marahas at magaspang na para bang pinaparusahan siya nito. Walang ibang maramdaman ng mga oras na iyon si Serene kundi sakit dahil sa ginagawa nito sa kaniya.

Sa totoo lang ay litong-lito siya kung bakit ginagawa iyon ni Pierce sa kaniya at sa harap pa talaga ng kaibigan nito? Akala ba niya ay ayaw niyang ipaalam sa kahit sino ang relasyon na