Chapter 0097

Biglang nanlamig ang mukha ni Serene. Bakit parang may mali sa mga sinabi nito. Bakit ba parang napakainit ng dugo nito kay Mike? May hindi ba pagkakaunawaan ang mga ito? Mabilis siyang nagpaliwanag rito. “Hindi ako nakipag-date kay Mike. ano ka ba, ilang ulit ko bang sasabihin sayo na itinuturing ko siya bilang isang kapatid.” sabi niya rito.

Tumaas ang sulok ng labi ni Pierce, sa tingin ba nito ay maloloko siya nito? Bulag ba siya sa tingin nito? “Kung sinagot niya ang tawag mo noon at wala siya sa eroplano, gusto mo pa ba akong puntahan pagkatapos ha?” tanong niya rito na puno ng panunuya.

Dahil rito ay napakagat-labi naman si Serene. Hindi niya alam kung paano niya sasagutin ang tanong nito sa kaniya. Kapag iniwasan niyang sagutin ito ay magagalit ito sa kaniya at kapag sinagot naman niya ito ay magagalit pa rin ito.

Biglang naisip ni Pierce kung gaano siya kasaya habang pumipili ng kwintas na ibibigay niya sana rito ngunit nang makita niya ang eksenang iyon at malaman niya na h