Chapter 0100

Agad nga na nakarating si Pierce sa may Solace at agad siyang sumakay sa elevator upang makarating sa kanyang unit. Nang pumasok siya sa loob ay tahimik sa loob. Dahil rito ay agad niyang tinungo ang hagdan at pagkatapos ay dahan-dahan na umakyat hanggang sa makarating siya sa tapat ng silid ni Serene. Akmang kakatok na sana siya nang marinig niya na tila ba isang bagay na nabasag mula sa loob ng silid. Dahil rito ay agad siyang pumasok sa silid at nakita niya itong nakahandusay sa sahig na may hawak na basa. Hindi na siya nag-aksaya pa ng oras at dali-dali na niya itong binuhat at dinala sa kama at pagkatapos ay doon niya napansin ang bukong-bukong nito na namamaga at dahil doon ay bigla siyang napasimangot.

Nang tumayo siya ay napatitig siya sa mukha nito at ang mukha nito ay puno ng sakit ng mga oras na iyon. Kukumutan sana niya ito nang bigla na lamang dumampi ang kanyang kamay sa balat nito at halos bawiin niya ang kanyang kamay dahil sa pagkapaso. Nang ilagay niya ang kamay niya