Chapter 101

Nang makita niyang tulog na tulog na si Serene ay agad siyang bumangon at pumunta sa kanyang silid upang itapat ang sarili niya sa napakalamig na tubig upang mawala ang init na nararamdaman niya. Mabuti na lamang at naidaan niya sa pagligo ang init na unti-unting bumabalot na sa katawan niya. Pagbalik niya kay Serene ay muli niyang chineck ang temperatura nito at nakita niya na bumaba na ito at naging normal ngunit sa kabila nun ay nahiga pa rin siya sa tabi nito at hindi niya ito iniwan. Muli siya nitong niyakap at hindi na ito bumitaw pa mula sa pagkakayakap sa kaniya kung saan ay niyakap na rin niya ito. Ilang sandali pa ay nakaramdam na rin siya ng antok.

Nang magising naman kinabukasan si Serene ay medyo magaan na ang pakiramdam niya at pakiramdam niya ay may mabigat na bagay na nakadagan sa beywang niya. Nang imulat niya ang kanyang mga mata at tumingala, nakita niya si Pierce sa tabi niya habang nakayakap sa kaniya. Dahil rito ay kaagad na namula ang buong mukha niya. Pakiramda