Chapter 0041

Ilang sandali pa ay muli na naman niyang narinig ang tinig ng katabi ni Mr.Francisco. “Bata, mukhang napaka-ignorante mo yata? Hindi mo ba talaga kayang pagbigyan ang gusto niya? Alam mo ba kung anong mangyayari kapag hindi niya pinirmahan ang pinapipirmahan mo? Kaya mo bang bayaran iyon ha?” muli nitong tanong sa kaniya.

Biglang namang napakagat-labi si Serene nang marinig niya ang sinabi nito. Iyon ay milyon-milyon at kung sakali ngang mawala iyon dahil lang sa pagtanggi niyang uminom ay tiyak na hindi niya iyon mababayaran, idagdag pa na ma posibilidad na mawalan siya ng trabaho kapag nagkataon.

“Pasensya na po Mr.Francisco dahil sa inasal ko.” sabi niya at pagkatapos ay dali-dali na nga niyang pinulot ang baso ng alak sa kanyang harap at inisang lagok iyon at napapikit lalo na nang gumihit ang init sa kanyang lalamunan.

Ilang sandali pa ay narinig niya ang masayang tinig ni Mr.Francisco pagkatapos niyang ilapag ang baso sa mesa at agad niyang pinunasan ang kanyang bibig. “Yan, gan