Chapter 0049

Pagkatapos na umalis ni Shiela sa kanyang harapan ay napahawak si Serene sa kanyang dibdib. Si Shiela ay nagsilbing Director sa loob ng maraming taon. Kahit na mataas ang naging posisyon nito sa kumpanya at intern lamang siya ay nasa tama siya kaya kailangan niyang itama ang mali nito. Nang mag-angat siya ng kanyang ulo ay agad niyang nakita ang gwapong mukha ng lalaking nasa harap niya. Dahil doon ay biglang nanlamig ang buong katawan ni Serene.

“Sir nandito na po pala kayo… good morning po.” ibinaba niya ang kanyang ulo upang batiin ito. Hindi niya alam kung kanina pa ba ito doon o kararating lamang nito. Tumabi siya daan lalo na nang marinig niya ang mga yabag nito at hindi nagtagal ay huminto ito ng ilang segundo ngunit pagkalipas lang ng ilang segundo ay hindi na niya nahintay pa ang reaksiyon nito dahil nilampasan na siya nito at umalis na nang tuluyan sa harap niya.

Dahil rito ay nagmamadali naman siyang nagpunta sa opisina at naupo sa kanyang mesa upang gawin na ang kanyang mg