Chapter 0050

Ilang sandali pa ay napabuntung-hininga si Pierce at pagkatapos ay itinuro sa kaniya ang Tv na nasa harap ng kama. “Manood ka na nga lang muna ng mga pelikula.” sabi nito at pagkatapos lang nitong sabihin iyon ay bigla na lamang may kumatok sa pinto.

Agad na naglakad si Serene patungo sa pinto at binuksan iyon. Pagbukas niya ay nakita niya doon aling Nena ang kasambahay ng pamilya. Nakita niyang may hawak itong tray na may lamang mangkok. “Ah ma’am ito na po ang ipinaluto ni madam na soup at ang sabi niya ay paborito daw po ito ni sir. Hindi na po ako papasok, kayo na lang po ang magpakain nito kay sir at bababa din po kaagad. Babalik na lang po ako ulit para kunin ang mangkok.” sabi nito sa kaniya.

Agad naman na tumango si Serene at pagkatapos ay kinuha na niya ang tray mula sa kamay nito. “Salamat po.” nakangiting sabi niya rito. Tumango lang din naman ito sa kanya at pagkatapos ay tumalikod na. Dali-dali naman siyang pumasok na sa silid at ibinaba ang dala niya sa ibabaw ng mesa at