Chapter 0055

Sa sumunod na pag-ikot ng bote ay nagulat siya nang tumigil ang bote sa tapat niya. Ilang sandali pa ay nakita niya ang pagngiti sa kaniya ni ALliyah. “Serene, truth or dare?” tanong nito sa kaniya.

Agad na napalunok si Serene dahil sa tanong nito sa kaniya. Alam niya sa sarili niya na hindi niya makakayang sagutin ang mga tanong ng mga ito kaya wala siyang ibang pagpipilian kundi ang piliin ang dare. Pinagdikit niya ang kanyang mga labi bago siya sumagot. “Dare.” sagot niya rito.

Ilang sandali pa ay lumingon si Alliyah sa kabilang mesa at pagkatapos ay nakangiting nagsalita. “Pumunta ka sa kabilang mesa at kuhanin ang isa sa mga number ng mga naroon.” sabi nito sa kaniya. Napalunok si Serene. Hindi niya kilala ang mga nasa kabilang mesa dahil hindi pa siya doon lumilingon.

Samantala, sa kabilang side kung nasaan sila ay nakaupo doon sina Pierce at Connor. Nakita niya na patingin-tingin sa kanila si Serene at kaya si Connor ay napalingon na rin rito. Ilang sandali pa ay napangisi si C