Chapter 0060

Napakagat sa mga labi si Pierce. “Kung ayaw mo ng pera ay sabihin mo kung anong gusto mo. kahit na ano. Pwede ka ring maging isang first-class na designer basta maging masunurin ka lang.” sabi niya rito.

Dahil naman sa sinabi nito ay mas lalo pang nagalit si Serene. Sobra siya nitong insultuhin at gusto nitong gawing walang kabuluhan ang kanyang ginawang pag-aaral sa loob ng ilang taon? Mabilis na sumabog ang kanyang pinipigilang emosyon. Dali-dali niya itong itinulak bigla at itinaas ang kamay at sinampal ito. Ang malutong na tunog dahil sa kanyang pagsampal ang umalingawngaw sa loob ng silid.

Naging marahas din ang kanyang paghinga dahil sa pinipigilan niyang galit at maging ang kanyang mga mga mata ay namumula na sa galit. “Nakakadiri ka!” sigaw niya rito.

Biglang lumamig sa loob ng silid. Tinitigan siya nito ng mapanganib na para bang gusto siya nitong sakalin na lang bigla. “Hindi ba at sinabi ko na sayo na hindi pa ipinapanganak ang mangangahas na sampalin ako?” malamig at nakak