Chapter 0043

Samantala, sa isang madilim na silid ay naramdaman ni Serene ang pagbuhos ng maligamgam na tubig sa kanyang muka kaya nagising siya at dali-dali niyang idinilat ang kanyang mga mata. Pagkamulat niya ay bigla niyang naramdaman na para bang may kakaiba sa katawan niya at pakiramdam niya ay tila sinisiliaban ang buong katawan niya.

“Gising ka na pala.” narinig niya ang tinig na iyon kaya dali niya itong nilingon. Nakita niya si Mr.Francisco na tumayo at nakangiti.

Dahil rito ay agad na nanigas si Serene at pagkatapos ay nagtanong. “Nasaan ako?” tanong niya.

“Sa hotel.” mabilis naman na sagot nito sa kanya. “Nalasing ka kanina kaya dinala kita rito para makapagpahinga ka.” dagdag pa nitong sabi sa kaniya.

Hindi naman naniwala si Serene rito, idagdag pa na kaunti lang ang nainom niya at kung tutuusin ay wala pang kalahating baso iyon. Noong huli ngang uminom siya ay nakaapat pa siyang baso ngunit may naaalala pa siya pero ngayon ay wala siya halos maalala kahit na nang dalhin siya sa hotel