Chapter 19

"Mama, nasa hospital mo po ako! Bisitahin ko po kayo :)" Iyan ang natanggap na text ni Natalia kaya tila kinabahan ito sa kaniyang nabasa. Bakit nagpunta si Liam sa hospital? Paano kung makita siya ng mga Harrington?

Sa harap ng hospital, isang batang nakasuot ng puting t-shirt at tila kagagaling lamang sa eskwela ang nakatayo at tila nilalamig na habang hawak ang isang malaking food box. Kasama nito ang kaniyang Yaya na si Tess na siya namang may hawak ng telepono ng bata.

Gwapo ang batang ito kahit ilang taong gulang pa lamang. Dahil na rin siguro sa kaniyang mga berdeng mga mata, mestiso, at matangos na ilong ay kaya naka-a-attract ito ng mga tingin ng mga dumadaan. Ang iba't napatitingin at ngumingiti, ang iba nama'y tila napapakunot ang noo nang makita ang bata.

Isa sa mga dumadaan ay ang isang makisig na lalaking naka-asul na tuxedo, prescription glasses, makisig ang pustura, at maskulado ang katawan. Ang salamin na suot nito'y bahagyang makapal, nagsasabing malabo ang kaniyang