Chapter 9

Maghapon siyang nasa bahay niya at kung ano-anong ginagawa; nanonood ng tv, kumakain, hihiga, gagawa ng cookies and repeat the process. Kung anong ikinaganda niya ay 'yon naman ang ikinapangit sa loob ng kaniyang bahay—magulo kasi ito at wala sa ayos, parang hindi babae ang nakatira rito.

Habang busy siya sa panonood ay may kumatok sa pintuan ng bahay niya. Padabog siyang bumangon at sinilip sa may lense kung sino man ang istorbo sa pahinga niya. Nanlaki naman ang mga mata niya ng makitang ang landlady pala ng apartment ang nasa labas.

"ARIELLE BUKSAN MO ANG PINTO!" sigaw ng landlady mula sa labas habang malakas na kinakatok ang pintuan.

"Hehehe kumusta po kayo?" Binigyan niya ito ng pilit na ngiti. Hindi naman natuwa ang kaharap niya dahil nasilip niya kung gaano kakalat ang loob ng apartment niya.

"Buti naman at na datnan kita rito. Halos ilang buwan ka ring walang paramdam, ah. Baka nakakalimutan mong bayaran ako sa renta mong mag iisang taon na?" pagtataray nito habang nakapamayw