Chapter 6

Panibagong araw, panibagong pasakit para kay Arielle. Ang dalawa niyang bodyguards nang nakaraan ay naging lima na ngayon—dalawang babae at tatlong lalaki. Mas lalo siyang nayayamot kasi kahit na ultimong pagpunta niya sa banyo ay nakabuntot pa rin ang mga ito. Minsan nga ay naiisip niya na si Raiden na ang may misyon na eexpose siya. Hindi rin kasi siya makakikos ng maayos dahil sa maraming pagbabago sa pamamahay na iyon. Kung alam niya lang na ganito ang kahihinatnan ng lahat ay baka umisip pa siya ng mas magandang plano.

Nakita niyang umalis ang sasakyan ni Raiden kaya nakaisip na naman siya ng plano. Lumabas siya sa kaniyang kuwarto at gaya ng inaasahan ay sumunod ang mga bodyguards niya. Tinungo niya ang kusina at nadatnan niya ngang nagluluto si Manang Gloria samantalang natanaw niya sa labas ang asawa nito na nag didilig ng mga halaman.

"Manang Gloria tulungan na po kita. Kailan po pala babalik si Raiden?" tanong nito habang tinitikman ang lasa ng niluluto ni manang.

"Hindi rin