Chapter 8

"Condolence, ha!" Malungkot na sabi ni Lori kay Erica. Tunay na pakikiramay ang gusto nitong iparamdam sa alam na kalungkutan ng bagong dating na si Erica.

Bahagyang nangiti si Erica. Tinanggap niya ang pakikiramay ni Lori. "Masuwerte ka pa rin kahit paano, may ama ka pa... hindi tulad ko, ulila na maging sa ama," madamdaming saad ni Lori.

"Hindi ba tumatawag dito ang mag-ina?" Naisipang niyang itanong kay Lori.

"Minsan... si Ma'am. Ilang araw lang ang lumipas mula ng mag-leave ka ay pumunta na silang mag-ina sa Amerika, kasama ang magiging asawa ni Elena," saad ni Lori.

"Ano ang sabi nang tumawag si Teresa dito?" Seryosong tanong ni Erica.

"Hayun, kasal na raw 'yung dalawa. Baka raw magbakasyon muna sila ng mga ilang linggo. Tatapusin yata ron ang honeymoon nina Elena at Kyver," tugon ni Lori sa tanong ni Erica.

"Wala bang ipinagbilin?" Dagdag na tanong ni Erica.

"Tingnan mo raw 'yung office... parang sa iyo mas gustong