Chapter 16

Lakas ng loob ang kinakailangan ng mag-inang Elena at Teresa nang kausapin nila si Erica kinahapunang iyon. Kanina pa sanang umaga kung si Elena ang nasunod, pero sa kagustuhan ni Teresa kung kaya't after office hours na nila kinausap ng masinsinan si Erica.

Kahit iyon na nga ang parang inaasahan ay nabigla pa rin kahit paano si Erica. Naisip niyang ganoon rin pala kababa ang pagtingin ng mga ito sa kanyang pagkatao. Pero bigyang katwiran na rin niya ang mga ito. Isa pa'y may sangkap ng pagsusumamo ang ginawang pakiusap sa kanya ng dalawa.

"Bakit naman ako pa?" Naitanong niya sa mag- ina.

"Dahil alam naming isa kang mabuting puno... at ang isang mabuting puno, tiyak na magiging mabuti ang bunga," paliwanag ng mag-ina.

"I-Isang tanong lang, Teresa... ako rin ba ang pakikiusapan n'yo kahit hindi mo nalaman na wala na pala akong buong iniingatan?" Tanong ni Erica.

Alam ni Madam Concepcion na may gustong tiyakin sa isip nito si Erica. Hindi n