Chapter 12

Isang malakas na sampal ang iginawad niya sa mukha ni Jacob na tingin niya ay isang pangahas na lalaki.

"Kung may natitira nga akong pag-ibig sa iyo, dapat siguro ay malaman mong hindi ko gagamitin iyon upang gumawa ng isang kamalian. Maliwanag 'yon Jacob, kaya kung ako ikaw, yakapin mo na lamang ang kasalukuyan at huwag nang lumingon pa sa ating nasimulan," pigil ni Jacob ang pag-iyak.

"Mabisang gamot ang iyong asawa upang magamot ang sugat diyan sa dibdib mo kung meron nga... hindi ako ang gamot sa iniinda mong sugat bunga na rin ng ginawa mong kataksilan. Hinding- hindi ako papatol sa may-asawa," dagdag na paliwanag niya.

"Sige, aalis na ako," malungkot itong tumayo upang umalis na.

Kahit paano ay nakaramdam ng konsensya si Erica sa dating karelasyon.

"Jacob..." tawag niya. "Huwag mo na akong gambalain pa," aniya.

Matapos madinig iyon ay umalis na nang tuluyan ang lalaki. Kung lumingon lang sana ito, nakita sana nito na sabay