Chapter 19

Isang araw na naman ang nalagas sa tangkay ng panahon. Ngayon nga ay buong-buo na talaga ang nasa isip ni Erica. Ang ikilos ang sarili sa kung sino man siya, hindi ang ganito na panandalian lang ang pinapalasap sa kanyang kaligayahan na sana ay kanyang madadama kailanman niya gustuhin, kung sakaling sila ang magkatuluyan.

Babaeng wala ng hahanapin pa. Iyon ang tingin ni Jacob kay Erica. Ano pa nga ba ang hahanapin nito sa babaeng mula umaga hanggang gabi ay ginagawa ang mga bagay na ikasisiya niya, "Natutuwa akong makita kang ganyan...hindi tulad ng dati na para kang laging iwas na iwas sa akin," may kasiyahang nasabi ni Jacob sa kasalukuyang naglalaba na si Erica. Para talagang ibig nang tapusin ni Erica ang dating pagsinta ng binata.

"Ang yaman-yaman n'yo ng asawa mo, tapos, underwear lang hindi ka makabili," at saka nito ipinakita kay Jacob ang underwear nito na kaniya ng kinukusot.

Noon lang iyon napuna ng lalaki, "B-Bago pa naman 'yan, e. Isa pa ala naman makakaalam na ganyan na