Chapter 11

Marami ang nagsasabi na mahirap talagang malimutan ang isang taong minahal mo at alam mong nagmamahal sa iyo. Pero isipin mo ang mga naging kamalian nito at kahit paano ay gigiit sa iyong utak ang tungkol sa salitang paglimot.

Nanuot iyon sa isipan ni Erica. Idinikit niya ang sabi-sabing iyon sa kanyang utak. lisipin niya ang naging kamalian ni Jacob upang kahit paano ay madugtungan na niya ang nasimulan niyang unti-unting paglimot dito.

Bago pa nga mamalayan ni Erica ay matagal-tagal na pala niyang nakakasama sa opisina si Jacob. Tingin ngayon ni Erica ay hindi na kailangan na nasa isang opisina sila ng dating karelasyon. Marami nang natutunan si Jacob. Pero ilan lang ang naituro niya, at ang nalaman ng lalaki ay base na rin sa sarili nitong pag mamanman sa kaganapan sa loob ng kumpanyang ayaw nitong ariing kanya. Ni ayaw isiping magiging kanila ni Elena pagdating ng takdang panahon. Wala si Jacob ng araw na iyon. Hindi ito pumasok dahil nalambingan ni Elena. Ayo