Chapter 8: Coat

GABI ng acquitance party sa university. Magkasama na dumating sina Ara at Purity. Iilan pa lamang ang andoon na mga estudayante. May mga estudyante ang napapatingin sa kanya. Humahanga sa kanyang suot. Halatang mamahalin ang kanyang suot na ibinigay pa mismo ni Marcus.

"Ang aga ata natin," sabi ni Ara, na panay ang lingon sa mga estudyanteng nasa loob auditorium.

"Maganda nga 'yon. Para maaga tayong makauwi. Nakakabagot naman dito."

Tinaasan siya ni Ara ng kilay.

"Napaka-KJ mo, Purity. Andito tayo para magsaya. Tsaka, para makalimutan mo sandali ang kasal niyo ni Marcus. Kaya ayusin mo ang mukha mo. Malay mo makahanap ka r'to ng mayaman. Di ba? Eh, 'di siya na ang tutulong sa pamilya mo nang hindi na matuloy ang kasal mo sa matandang 'yon."

May katuwiran si Ara. Malay nga niya may makilala siyang ka-edad niya na makakatulong sa kanya sa problema niya.

"Hi, Purity. Ang ganda mo ngayong gabi," bati sa kanya ng kaklase niyang lalaki, si Nelson. Isa ito sa nagpapahaging sa kanya. Hindi la