Chapter 28

“Babalikan ko lang si sir, mukhang may kailangan,” paalam ko sa tatlo kong kaibigan.

Hinayaan naman nila ako na tumayo na. Iniwan ko na sa mesa ang kape ko dahil wala naman akong balak na magtagal sa opisina ni Dim. Tatanungin ko lang siya kung may kailangan ba siya.

Pagkapasok sa opisina niya ay agad akong naglakad palapit sa kanya. Nang mapansin niya ako ay agad siyang huminto sa ginagawa at tumingin sa akin.

“Uhm, itatanong ko lang po sir kung may kailangan kayo? Nakita ko kasi kayo malapit sa may pantry kanina,” wika ko.

“I was about to get a cup of coffee, pero mukhang seryoso ang pinag-uusapan niyo,” aniya.

“Ikukuha ko po kayo,” agad na saad ko.

Hindi ko na siya hinintay na sumagot. Kinuha ko na ang mug niya tapos ay naglakad na pabalik sa pantry. Hinugasan ko muna ang mug tapos bago gumawa ng kape. Nandoon pa rin naman ang tatlong monay, ngayon ay kumakain na sila ng chips.

“Miss Ali, bal