Chapter 33

“How’s Hilda and Hector, hijo?” tanong ni Tito Rick kay Henry.

Nagpasya kasi kami na sumabay na sa kanila sa pagkain. Tito Rick suggested it. Nung una ay humindi si Tita at sinabi na date namin ito ni Henry kaya kailangan namin ng oras na kaming dalawa lang, pero agad kong sinabi na ayos lang sa akin. Kaya ang ending ay magkakasabay kami sa pagkain ngayon.

“They’re doing great, Tito,” nakangiti at magalang na sagot ni Henry. “Hanggang ngayon ay parang bata pa rin kung mag-away at magkatampuhan. At nasanay na po ako sa kanila,” may halong pagbibiro na saad pa niya kaya natawa sina Tito at Tita.

“Ganyan nga sila, even when we were still on college. But that’s their charm as a couple,” nakangiting wika naman ni Tita.

Mayamaya lang ay dumating na ang mga order naming pagkain. Magkatabing nakaupo sina Tito at Tita. Sa harap naman nila ay kami. Nasa kaliwang bahagi ko si Henry at nasa kanan naman si Dim. Nakapagitna ako sa kanilang dalawa.