Chapter 36

Pagkatapos siguro ng ilang minuto ay naglakad na ako pabalik sa VIP Room. Medyo nagulat pa nga ako kasi napansin ko na katabi na ngayon ni Dim si Henry, nakaupo siya sa kung saan ako nakaupo kanina.

Napalingon sa akin si Dim at tinaasan ulit ako ng kilay bago muling ibinalik ang tingin kina Rose at Lily na halatang enjoy na enjoy na naman sa pagkanta.

Napansin ko na nakatingin sa akin si Lou, ngumisi pa siya at pasimpleng nginuso si Dim. Nagkibit na lang ako ng balikat at nagpasyang umupo sa puwesto niya kanina. Medyo napangiwi ako nang mapansing medyo amoy sigarilyo pa siya, kaya naman inilabas ko ang alcohol sa bag ko tapos ay inilapag ko iyon sa harap niya.

“Hindi ko gusto ang amoy ng sigarilyo,” wika ko nang napalingon siya doon.

Napailing naman siya bago kinuha ang alcohol, tapos ay naglagay sa kamay niya at maging sa may damit niya na akala mo naman perfume iyon.

“Okay na?” tanong niya habang nakataas ang isang kilay sa