Chapter 40

Pagkadating sa opisina ay naabutan ko sina Lou, Rose at Lily sa may pantry. Nakita ko rin agad sa mesa ang blueprint na may natuyong kape. Nanlumo ako sa nakita.

“M-Miss Ali, sorry po…” naiiyak na naman na saad ni Lou nang makita niya ako.

“Nangyari na, Lou,” mahinang saad ko na lang bago tuluyang lumapit sa kanila. “Wala pa rin ba si Sir Dim?” tanong ko, halos sabay sabay naman silang umiling bilang tugon.

Ramdam ko na kinakabahan din sila dahil sa nangyari. Maging ako ay gano’n din naman. Naipaliwanag na sa akin ni Lou kung bakit nangyari ito, at wala naman akong magagawa pa. Hindi ko rin naman magawang magalit sa kanya dahil kagaya nang sinabi ko ay kasalanan ko rin.

Naramdaman ko ang pag-vibrate ng cellphone ko, nang tignan ko iyon ay si Henry ang tumatawag kaya agad kong sinagot.

“Hey, you have three missed call. What’s up?” aniya.

“S-Sir Henry, m-may problema kasi,” kinakabahang saad ko.

“What happened?” tanong niya.

“Iyong blueprint kasi a-aksidente kong natapuna