Chapter 13

Mabilis ang lakad na ginawa ni Rey Jhon para lang mahabol si Gabriella. Daig pa nito ang taxi sa bilis ng pagtakbo. Idinuduyan ng hangin ang buhok ng dalagita na mas lalong nakapadagdag sa taglay nitong ganda. Napapailing na lang siya kapag hinahawakan nito ang school ID na sumasabay din sa buhok nito.

Erase, bulong niya sa sarili. Mas maganda pa rin siya kay Gabriella. Mayaman lang ito kaya maganda itong tingnan. Pero kung siya ang nasa kalagayan ng dalagita, mas maganda siya rito panigurado.

Bigla na lang tumakbo si Gabriella pagkatapos nitong sabihin ang mga salitang iyon kay Paolo. Hindi nga niya alam kung bakit nito sinabi iyon. Baka gusto lang nitong ilayo siya dahil nakita nitong hindi na siya comfortable. Pero bakit naman gagawin ni Gabriella 'yon?

Pero hindi talaga nakaiwas sa mga mata niya ang pagpula ng pisngi ni Gabriella, na kasing pula sa mansanas na kinagat ni Snow White. Gusto niya tuloy itong tanungin ng kilig ‘yan?

Siya ang hinaranahan pero ito ang kinilig. Ibang kla