CHAPTER 62

Mabilis ang pagpapatakbo ng sasakyan ni Claude patungo sa karinderya ni Lucine. Sa mga sandaling ito, nababatid niyang may mga medya na ang nagkukumahog hanapin sila upang kuhanan ng pahayag patungkol sa balitang gumalat sa lahat. Maski siya'y walang ideya na magiging ganito kabilis ang pag lalabas ng anunsyo tungkol sa kasalang magaganap sa kanila ni Lucine gayong wala pang isang buwan magmula noong sila'y magkakilala.

" Claude, kailangan na nating madaliin ang kasal dahil hindi na maganda ang lagay ng iyong ina. "

Napahigpit ang kaniyang hawak sa manibela nang bumalik sa kaniyang isipan ang naging usapan nila ng ama kagabi.

" Ang akala ko kanina ay tuluyan na niya tayong iiwan. Ilang beses namin siyang ginigising pero hindi niya minumulat ang mata niya. Nabasà rin ang kamang hinihigan niya kanina kaya ang akala ko..." halos hindi makapagsalita si Hugo habang kausap si Claude na bakas pa rin ang takot at pag-aalala. "...natatatakot akong hindi natin matupad ang kaisa-isa niyang