CHAPTER 21

Halos liparin na ni Venice ang pasilyo patungo sa opisina ng kaniyang ama dala ang papeles na naglalaman ng titulo ng lupa na nakapangalan na sa kaniya. Hindi niya alam kung dapat ba siyang mainis, matuwa o magalit dahil pakiramdam niya, ginulo ang proyektong binabalak niya.

" Oh, Venice? Anong pinunta mo dito nang ganito kaaga—"

Nilapag niya sa ibabaw ng mesa ang papeles na dala niya.

" Ano pong ibig sabihin nito? " hinihingal niyang tanong sa ama. " Bumili kayo ng lupa nang hindi niyo man lang ako kinu-kunsulta? Pa, alam niyo namang mayroon na akong lupang pinagkaka-interesan. Anong gagawin ko sa lupang binili niyo kung hindi naman dito sa lugar na ito 'yong orihinal kong plano? "

Inalis ni Logan ang salamin niya sa mata bago kausapin nang mahinahon ang anak niya. " Ano bang problema sa lupang napili ko? Nandoon naman ang lahat ng hinahanap mo. Malawak, maganda ang kalidad ng lupa, at mayroon ding maliit na lawa sa di kalayuan na puwede maging access sa sakahan. Ano bang pro