Lahat ng Kabanata ng Ang Bilyonaryo Kong Asawa: Kabanata 1 - Kabanata 10

“Nakauwi na ba ang sir mo, Bea?” tanong ni Raquel sa katulong nang makasalubong niya ito. Kakauwi niya lang galing check-up dahil ilang araw ng masama ang kaniyang nararamdaman.Napayuko ang katulong na tila ba ay iniiwasan niyang magtagpo ang kanilang mga tingin. “N-Nakauwi na po si sir N-Nicholas, Senyorita.”Nag-abot ang mga kilay ni Raquel dahil sa ikinikilos ng katulong kaya napatayo siya nang tuwid. Alam niyang may nangyayari na naman at hindi na siya magugulat pa. Ilang taon na rin na ganito ang kaniyang nadadatnan sa pag-uwi. Kahit hindi sabihin sa kaniya ng katulong ay alam niyang may inuwi na namang babae ang kaniyang asawa. Iniisip pa lamang niya iyon ay parang tinutusok ang kaniyang puso.“Sige na ako na ang bahala. Bumalik ka na sa trabaho mo, Bea.” Napatango na lang ang katulong kay Raquel at dali-dali itong umalis sa harapan niya. Nag-angat ng ulo si Raquel para tignan ang ikalawang palapag ng bahay. Simula nang ikasal siya kay Nicholas ay walang ginawa ang asawa niya

Nang araw din na iyon ay masayang umuwi si Raquel kasama ng katulong at personal driver niya. Nagtataka ang mga kasama niya sa ikinikilos ni Raquel subalit hindi sila nagtanong at wala pang nakakaalam sa pagdadalang tao ni Raquel maliban sa doctor. Hindi na makapaghintay si Raquel na sabihin iyon kay Nicholas dahil alam niyang magbabago lahat kapag nalaman ng asawa na buntis siya sa kanilang anak.Pagkarating sa bahay ay kaagad siyang nagpahanda ng hapunan ni Nicholas. Alam niyang uuwi pa rin ang asawa kahit galit ito sa kaniya. Sa gabi din na iyon ay sasabihin niya ang tungkol sa kaniyang tiyan.“Senyorita, ano pa po kaya ang kulang rito?” napalingon siya sa gawi ni Bea nang marinig niya ito. Tinitigan niya muna ang mga nakahandang pagkain sa hapag at napansin niya kung ano ang kulang.“'Yong wine na paborito niya. Pakilagay na rin.” Nakangiting sabi ni Raquel kaya dali-daling kumuha si Bea at inilagay roon. Naghanda na rin si Raquel sa pagdating ng asawa at ilang oras pa ang kaniya

Makalipas ang dalawang buwan...Halos dalawang buwan na pala ang lumipas nang umuwi si Raquel sa pagmamay-aring lupa ng kaniyang lolo. Tandang-tanda pa niya ang unang mga araw niya rito. Halos durog ang kaniyang puso subalit unti-unti na siyang nakakabangon mula sa masakit niyang nakaraan.Nawalan na rin ng balita si Raquel sa dating asawa dahil pinagbawalan siya ng kaniyang lolo na gumamit ng telepono. Dalawang buwan na rin ang tiyan niya pero hindi pa rin ito halata. Sa loob ng dalawang buwan ay sinubukan ni Raquel na kalimutan lahat ng mga nakaraan subalit hindi iyon naging madali para sa kaniya. Hindi ganoon kadali lalo na at sobrang nawasak ang kaniyang puso.Mabuti na lang at may mga nakilala siyang mga tao na naging dahilan para bumuti ang kaniyang pakiramdam na lubusan niyang ipinagpasalamat.Kaarawan ng kaniyang lolo kaya abala ang lahat sa hacienda. Maraming bisita ang darating mamayang gabi at si Raquel ang naatasang mag-asikaso ng lahat.“Senyorita Raquel, kami na po ang b

Tuluyan na ngang nakapasok sa mansyon si Raquel. Binigyan siya kaagad ni Althea ng maiinom at habang hinihintay ang kaibigan ay naupo siya sa sofa. Naiwan naman ang kaniyang lolo dahil kailangan niyang asikasuhin ang mga bisita.Nag-aalab pa rin sa galit ang puso niya nang makita ang pagmumukha ng kaniyang dating asawa. Hindi pa rin siya makapaniwala na nagawa ng lalaki ang bagay na malabong gawin nito. Ibang-iba si Nicholas kung ikukumpara noon kaya't litong-lito siya.“Uminom ka muna, Raquel.”Napalingon siya sa gawi ni Althea at nagbuntong hininga. Tinanggap niya ang tubig saka ito ininom.“Grabe hindi pa rin ako makapaniwala sa ginawa ng asawa mo, Raquel. Bakit ibang-iba siya sa sinabi mo noong nakaraan?” takang tanong ni Althea.Tumayo sa kinuupuan si Raquel saka ito sinagot.“Hindi ko rin alam, Althea. Hindi ko alam kung ano ang nakain niya at sinundan ako dito. Ang kapal pa rin talaga ng pagmumukha niyang magpakita sa akin pagkatapos ng ginawa niya.”Ramdam niya ang panginginig

“He allowed me to win you back.”Nanlaki ang mga mata ni Raquel dahil sa sinabi ni Nicholas. Ang lakas pa rin nang kabog ng dibdib niya dahil sa gulat. Hindi niya inaasahan na sasabihin 'yon ng kaniyang lolo kay Nicholas.“Kaya pala ang lakas din ng loob mong magpakita sa akin pero wala akong pakialam kung pinayagan ka ng lolo ko. Hindi mababago ang katotohanan na galit ako sa 'yo at habang buhay ko 'yong mararamdaman sa 'yo!” galit niyang sabi at tuluyan na itong iniwanan.Mabilis namang sumunod si Althea sa kaniya na pilit sinasabayan siyang maglakad. Pagkapasok niya sa loob ng bahay ay nadatnan niyang nakaupo sa sofa ang kaniyang lolo. Agad niya itong nilapitan para kausapin tungkol kay Nicholas.“Gising ka na pala, Raquel,” sabi ng lolo niya. Ibinaba niya ang hawak na diyaryo para harapin siya.Huminga muna nang malakas si Raquel bago magsalita. Pinipilit niyang pinapakalma ang sarili kahit ang totoo ay gusto na niyang sumabog sa inis dahil kay Nicholas.“Why did you let that man