CHAPTER 13

ISLAND

“Summer. . . beach. . .” Hinalukay ni Beatrice ang mga damit. Tinaas niya ang pulang two-piece. “This is perfect!”

Puno ang tatlong maletang pinababa niya sa mga kasambahay. Nagpalit din siya ng summer tequila dress at itim na wedge. Tinernuhan niya iyon ng brown summer hat. Nakalugay ang abot-balikat na buhok ng babae. Light make-up naman ang ayos ng kaniyang mukha.

Bumalik siya sa walk-in closet ni Lucas. Hinalughog niya ang mga lagayan. Pigil ang ngiti ni Beatrice. May nakuha siyang luggage saka nilamanan ng mga damit. Gumapang ang kilabot sa katawan niya nang makita ang collection ng mga brief ni Lucas.

“Wow. . .” hiwalay sa sariling bulong niya. Nanlaki ang kaniyang mga mata nang mapagtanto ang paninitig niya roon saka sinalampak sa loob ng maleta. Agad na namula ang kaniyang pisngi. Sa halip na pagtuunan ang sumaging emosyon, siya na mismo ang naghila pababa ng gamit.

Nang nasa baitang na ng hagdan, halos matapilok siya nang matanaw ang unwanted visitor sa living room. K