CHAPTER 9

KISS THE BRIDE

Limitado ang galaw ni Beatrice. Mahigpit ang security sa paligid ng kanilang bahay. Pinagbawalan na rin siyang umalis nang walang kasamang bodyguard. Kung kaya imbes na pumunta na lang ng salon, naghire siya ng private stylist.

“Should I dye my hair? Which do you think is bagay kaya?” maarteng untag ni Beatrice. Hindi na yata nito mabitiwang catalog. Nakapulupot ang white towel sa kaniyang ulo at tanging pink na roba ang suot. Maliwanag ang separate na dressing room ng bahay sa ikalawang palapag. Nakaharap siya sa salamin. “Tingin mo? Lumilitaw ba ang pores ko?”

“Hmm, mas highlighted po ang skin niyo sa itim na buhok. Ang ganda-ganda, shiny at natural, madame!” komento ng gay hair stylist. “Normal lang po ang ma-anxious kapag malapit na ang kasal.”

Naisara ni Beatrice ang katalog. Tinignan nito ang repleksyon nila sa salamin. “I’m not anxious.” Pumirmi siya ng upo.

“Excited po?” anang stylist.

“Nah, I’m not!”

Napansin ng stylist ang pagtataas niya ng boses kung kaya nan