CHAPTER 10

HONEYMOON?

Mabilis na nagsalin-salin ang mga balita sa media. Inanunsyo ng parehong pamilya sa publiko ang nangyaring private marriage. Solemn lang din ang reception.

Hinakot ng mga tauhan ng mga Lustre ang gamit ni Beatrice saka inihatid sa bago nitong tahanan.

“Kuya, where’s Lucas?” walang emosyong tanong ni Beatrice sa driver.

Matapos kasi ng reception, inutusan ng binata ang driver na ihatid nito si Beatrice sa bahay nila.

“Kayo po ang asawa, hindi niyo po alam?” inosenteng tugon ng driver.

Tila napahiya ang babae sa sinabi nito. “Syempre alam ko. Tinatanong ko lang kung alam mo rin.”

Nawi-wirduhang nilingon siya ni manong driver sa rear mirror.

Simpleng puting dress ang suot ni Beatrice. Hindi niya na napagmasdan ang lugar na dinaraanan dahil bukod sa madilim na, pagod din siya sa pakikipag-usap sa mga bisita. Ang isa pang kinaiinsulto niya, parang wala lang kay Lucas ang lahat. Iyon ba talaga ang marriage na gusto niya? Ganoong buhay may asawa ba talaga ang papasanin niya hangga