Chapter 35 - Abby's First Heartbreak

Napatalungko sya sa sahig sa bandang ulunan ng kamang hinihigaan ng ina, kipkip ang cellphone na binigay sa kanya ni Leng.

Tuloy-tuloy ang pagdaloy ng malalaking luha sa kanyang mga mata. Kakakausap lang nya kay Joaquín, gumagaan na sana ang pakiramdam nya habang kausap nya ang lalake pero nang marinig nya ang boses ng babaeng kasiping ni Joaquín ay parang ibinagsak lang syang muli nito sa lupa.

Napaniwala sya ni Joaquín sa matatamis nitong salita. Buti na lang hindi sya agad bumigay, dahil nagkaroon pa ng distansya sa kanilang dalawa at matagal silang hindi nakapag-usap.

'Sabi na nga ba joke lang 'yon eh. It's a prank! Ang tanga mo rin eh, no?' aniya sa sarili. Pinilit nyang itawa ang pait na nararamdaman.

Ipinikit nya ang mga mata at isinandig ang ulo sa pader. Kailangan nyang maging matibay. Hindi importante ang nararamdaman nya ngayon, ang importante ay gumaling ang kanyang ina. Mariin nyang pinunasan ang kanyang mukha ng tuwalyang sukbit saka inayos ang pagkakapuyod ng