Chapter 34 - Pusoy

“La concha de tu madre Joaquín! Ang laki ng nagastos ko sa ‘yo sa pagpunta mo dito, wala ka pang isang linggo aalis ka na??!” umalingawngaw ang malaking boses ng kanyang galit na galit na Lolo sa buong Presidential suite. Nanlilisik ang mga mata ng kanyang Lolo. Hindi nito tinatanggap ang pagpapaalam nya. Nakapagpa-book na sya ng flight, by hook or by crook uuwi sya ngayong gabi na ito ng Pilipinas.

Halos ibato nito sa kanya ang hawak na baraha. Hindi sila pinapansin ng tatlong lalakeng hindi nalalayo sa edad ng kanyang Abuelo na kalaro nito sa kuwadradong lamesa. Pati ang mga uniformed escorts ng kanyang Lolo at ng mga amigo nito ay iwas ang tingin sa kanila na parang walang naririnig.

“I need to go back, Abuelo," pakiusap nya. "Tambak ang trabaho ko sa opisina. Hindi pa ako nare-relieve sa pwesto. Mahigit isang buwan pa naman ang hihintayin natin para lumabas ang resulta ng presentation. I can easily fly back kapag kailangan.”

Pilit nyang ibinababa ang boses nya, kailangan nyan