Chapter 18 -Black Bikini

“Wala dito ‘yung bruha, h’wag kang mag-alala. Maaga palang pinatawag na ni Kap. Hindi na nga nakapag-almusal eh.”

“H’wag nyong papagurin ang sarili nyo,” anas nya. Noong huli nyang makita si Nanay ay sobrang putla nito at matamlay, buti naman kahit papaano ay bumabalik na ito sa dati nyang sigla.

“Hinay-hinay lang ako, anak. Malapit na kasi magpasukan, kailangang mag-ipon ng pang-tuition ni Abby, isang sem na lang eh, baka mahinto na naman.”

“H’wag nyong alalahanin si Abby, ‘nay, naayos ko na ‘yon. Kung may kailangan pa sya ako na’ng bahala.”

Umiling si Nanay Elsa. “Magagalit ‘yon sa ‘yo, Joaquín.”

“Hindi po, nag-usap na kami. At least bago ako umalis makita ko syang ga-graduate.”

“Bakit? Kinukulit ka na naman ba ng Lolo mo?”

Hindi sya kumibo. Hinigop nya ang mapait na kape na inihandog ni Nanay Elsa. Alam ni Nanay Elsa ang suliranin nya sa kanyang Lolo at Mamá. Wala naman syang tinatago sa mag-ina.

“Pinapahanap po si Santiago, hindi ko alam kung saan ako mag-uumpisa.”

“Naku ‘